© RTL & FNR
Extrait aus dem PISA Wëssensmagazin
Handschrëftlech Notize sollen dem Gehir hëllefe beim verhalen. Mee ass dat wierklech sou? De Mr Science huet dat mat Schüler getest.
30 Wierder ouni Zesummenhang hunn d’Testkandidate misse verhalen, an an enger zweeter Phase erëm opschreiwen. Eis goung et dorëm erauszefannen ob et hëlleft, sech d’Wierder opzeschreiwe während deem een se fir d’éischte Kéier héiert. Mir wollten ausserdeem kucken ob et en Ënnerscheed mécht op een d‘Notizen op der Hand oder um Computer hëlt. Mir hunn eis ob wëssenschaftlech Studie aus Norwegen baséiert.
D’Testklass war eng 2e C aus dem Lycée Aline Mayrisch, mat 20 Schüler déi all quasi genee sou gutt um Computer kënne schreiwe wéi mat der Hand.
D'Resultater fannt dir am Video.
Wëllt dir iech selwer testen?
D’Schüler an eisem Test waren extrem staark. Packt dir et se ze toppen? A wéi verhaalt dir am beschten?
Hei sinn eis dräi Audiofichieren mat deene d’Schüler den Test gemaach hunn. Probéiert selwer aus wéi vill Wieder vun deenen 30 dir verhale kënnt an ob een Hëllefsmëttel (schreiwen, tippen) iech dobäi hëlleft. Lauschtert ee Fichier nom aneren a schreift duerno aus dem Kapp erëm op wat der nach wësst.
Vill Spaass beim Test!
Auteur: Joseph Rodesch (FNR)
Produktioun: RTL
Infobox
Dëse Reportage gouf fir d'Emissioun Pisa Wëssensmagazin produzéiert déi Sonndes ab 18.30 op RTL Telé Lëtzebuerg kënnt.
Déi ganz Sendung fannt dir op pisa.rtl.lu
