18,3 % vun eisem Kierpergewiicht si Kuelestoff, dat sinn 13 kg fir eng Persoun vu 70 kg! Kuelestoff ass nämlech ee vun den haapt Bausténg vun eisem Kierper. Proteinen, Fett, Zocker, ADN, .... sinn a...

De mënschleche Kierper huet genuch Kuelestoff fir domat 12 810 Bläistëfter ze fëllen.

18,3 % vun eisem Kierpergewiicht si Kuelestoff, dat sinn 13 kg fir eng Persoun vu 70 kg! Kuelestoff ass näämlech ee vun den haapt Bausténg vun eisem Kierper. Proteinen, Fett, Zocker, ADN, .... sinn all op Kuelestoff opgebaut!

Dat betrëfft net nëmmen eis Mënschen, mee alles wat lieft. Also och alles wat mir iessen. Mir huele mat der Ernierung méi Kuelestoff op, wéi mer es brauchen.

Theoretesch kann een aus deem Kuelestoff Bläistëfter man. Awer glécklecherweis just an der Theorie!

E Bläistëft besteet näämlech net aus Bläi mee aus Graphit, an dat ass och Kuelestoff. Matt 13kg Kuelestoff am Kierper kinnt een also bal 13.000 Bläistëftminne man, an domat kann een e Stréch molen, deen 18 mol rondrëm den Äquator geet!

Mee dofir miisst een e Mënsch kennen a Graphit verwandelen, an dat ass net esou einfach!

Wann een e Kierper verbrennt entsteet zwar Kuel, wat och Kuelestoff ass, mee domat léisst sech net sou gudd mole wéi mat Graphit. Fir Kuel a Graphit ze verwandele bräicht een extrem héisch Temperaturen an och héijen Drock. Et ass also net ganz einfach fir Mënschen zu Bläistëfter ze verschaffen!

Text: Corinne Kroemmer

Infobox

Mister Science op RTL Radio

1mol d'Woch présentéiert de Mister Science op RTL Radio d'Erfindung oder den Entdecker vum Daag.

Quellen

Auch in dieser Rubrik

 Summerzäit Wat sinn d’Vir- an Nodeeler vun der Zäitëmstellung?

Zweemol am Joer stelle mir d’Auer ëm – am Fréijoer an am Hierscht. Vill Leit froen sech: Firwat maache mir dat eigentlech? A bréngt d’Summerzäit wierklech Virdeeler, Mr Science?

FNR
Plackentektonik Wéi gesinn d'Kontinenter an enger Millioun Joer aus?

D'Kontinenter bleiwen net fix op enger Plaz. Se driften – lues, mee konstant. Wéi wäit komme se an enger Millioun Joer? A wou läit dann de Grand-Duché? E Bléck an déi geologesch Zukunft.

FNR
Falentherapie Botox: Wéi hëlleft dat déidlechst Gëft vun der Welt géint Falen?

Botox ass ronn eng Millioun mol méi déidlech wéi d’Gëft vun enger Kobra, an awer loosse vill Mënschen sech et sprëtzen, fir méi schéin auszegesinn. Wéi wierkt et eigentlech?

FNR