Kann ee bei laangen Autosfaarte brong gi – virausgesat d’Sonn schéngt? An kann een hannert enger Fënster souguer en Sonnebrand kréien?

© Shotshop

Dat wier et dach: Et gëtt ee scho brong, éier een an der Vakanz ukënnt.

Mr Science, dat wier et dach: Et steet een am Stau a gëtt dobäi brong – virausgesat d’Sonn schéngt mol… Mee geet dat a kann een hannert enger Fënster souguer en Sonnebrand kréien?

Wann ee genuch Gedold huet, kann een hannert enger Glasfënster brong ginn. Virun engem Sonnebrand ass een awer geschützt. Normal Glas filtert nämlech d’Wellelängte vun der UV-Strahlung eraus, déi fir de Sonnebrand verantwortlech sinn.

Dat heescht awer, dass et aner UV-Undeeler duerch léist?

Jo, Glas schwächt déi aner Undeeler vun der UV-Strahlung nëmmen of. Déi Strahlung déi duerch kennt, mécht och brong mee ebe kee Sonnebrand. Se léist allerdéngs d’Haut al ginn  a kann Hautkriibs ausléisen. Dofir soll ee sech schützen, wann ee bei Sonn laang hannert enger Fënsterscheif setzt, zum Beispill beim Auto fueren oder bei enger Aarbechtsplaz un der Fënster.

Wierklech? Dann missen d’Berufschauffere jo méi Hautkriibs hunn?

Dat kann een unhuele, jo. A Studie konnte Wëssenschaftler weisen, dass Hautkriibs op dem lénksen Aarm oder um lénksen Deel vum Gesiicht méi heefeg ass wei op der rietser Säit vum Kierper. Déi eenzeg plausibel Erklärung dofir ass d’Autofueren.

Wisou?

Well an der Autosfënster eng Plastiksfolie stécht, déi di ganz UV-Strahlung erausfiltert. Se fält also nëmmen duerch d’Säitefënster an den Auto eran. Bei den ënnersichte Frae war den Ënnerscheed net ganz sou grouss, wahrscheinlech well se méi oft als Bäifuerer matfueren.

Solle mer eis dann elo virum Autofueren ëmmer acrèmen oder eppes mat laangen Ärem undinn?

Bei laangen Autostrajete wou d’Sonn schéngt schonn. An virun allem net d’Kanner vergiessen, déi eng besonnesch empfindlech Haut hunn!

Auteur: scienceRelations
Editeur: Joseph Rodesch
Iwwersetzer: Sophie Steinmetz
Foto: shotshop.com 

Infobox

Mr Science op Eldo Radio

All 2 Wochen beäntwert de Mr Science op Eldo Radio eng Fro. Des Fro gouf an der Sendung vum 7. Juni 2017 beäntwert. 

Auch interessant

Experimentieren
UV-empfindliche Perlenkette Wie gut schützt meine Sonnencreme?

Durchsichtige oder weiße UV-Perlen werden farbig, wenn Sonnenstrahlen auf sie fallen. So kannst Du deine (alte) Sonnencr...

FNR

Mr Science
Blacklight Magesch Tricke mat onsiichtbarem Liicht

UV Liicht ass fir dat mënschlecht Aen onsiichtbar. Eist Aen gesäit ënner rengem UV Liicht just speziell Faarwen déi mat...

FNR

Mr Science
Akkubrand Wéi geféierlech ass eng Batterie?

Wann opgeluede Batterië schwéier beschiedegt gi kann et zu engem Brand kommen. Wat léist sou e Brand aus, a kënnen d‘Bat...

FNR , RTL

Auch in dieser Rubrik

 Mimetismus an Tarnung Firwat kënne verschidden Déieren hir Faarf änneren?

Mr. Science, firwat kënnen Déieren ewéi Chamäleonen, Séipäerdercher oder Tëntefësch hir Faarf änneren? Bréngt dat hinnen iergendeng Virdeeler?

FNR
Menstruatioun Firwat hu Frae Péng, wa se hir Reegel hunn?

Fir munch Fraen ass et all Mount dat selwecht: Wa se hir Reegel hunn, hu se esou wéi, dass se bal net kapabel sinn, eppes ze ënnerhuelen. Wouhier kënnt eigentlech dës Péng?

FNR
D’Sënner schäerfen Kann ee seng Sënner duerch Training verstäerken?

Muskele loosse sech trainéieren. D’Ausdauer och. An d’Sënner? Well Perceptioun am Gehier entsteet an dëst verformbar ass, misst et wuel méiglech sinn.

FNR