Mam Buedbidden-U-Boot duerch de Baggerweier

Den neie Pisa Summerchallenge ass en Experiment mat villen Erausfuerderungen! Eng Geschicht iwwer Courage, net opginn a Sauerstoffmangel.

Am Pisa Summerchallenge vun dësem Joer bauen de Joseph Rodesch alias Mr Science an den Olivier Catani sech en U-Boot, respektiv eng Zort Tauchklack, aus enger aler Buedbidden. A probéieren domadder duerch de Baggerweier zu Rëmerschen ze fueren. Op dat geklappt huet, gëss Du am Video gewuer!

Am Reportage ginn och e puer kleng Experimenter gewisen, déi een op science.lu respektiv um TikTok-Kanal vu science.lu fënnt:

@science.lu Keep a candle burning underwater 🌊🕯 #sciencefacts #learnontiktok #candle #underwater #scienceexperiments #luxembourg #fypage #happyplace ♬ Send Me on My Way - Guy Meets Girl

D'Experiment mat der Buedbidden soll een allerdéngs doheem net nomaachen! De Joseph an den Olivier goufe bei dësem Experiment gutt encadréiert a protegéiert vum Sub Aqua Club Woltz an de Rettungstaucher vum CGDIS.

Auteur: Olivier Catani & Joseph Rodesch
Produktioun: RTL
Diffusiounsdatum: 28.09.2025

Infobox

Pisa - de Wëssensmagazin

Dëse Reportage gouf an Zesummenaarbecht mat RTL Télé fir d'Emissioun Pisa Wëssensmagazin produzéiert. D'Sendung kënnt eemol de Mount Sonndes ab 19:00 op RTL Télé Lëtzebuerg. Déi ganz Sendung fënns de op pisa.rtl.lu

Auch in dieser Rubrik

Plackentektonik Wéi gesinn d'Kontinenter an enger Millioun Joer aus?

D'Kontinenter bleiwen net fix op enger Plaz. Se driften – lues, mee konstant. Wéi wäit komme se an enger Millioun Joer? A wou läit dann de Grand-Duché? E Bléck an déi geologesch Zukunft.

FNR

Falentherapie Botox: Wéi hëlleft dat déidlechst Gëft vun der Welt géint Falen?

Botox ass ronn eng Millioun mol méi déidlech wéi d’Gëft vun enger Kobra, an awer loosse vill Mënschen sech et sprëtzen, fir méi schéin auszegesinn. Wéi wierkt et eigentlech?

FNR

Outdoorkleedung Kann eng dënn Jackett geneesou waarm halen ewéi eng déck?

Eng dënn Funktiounsjackett ka geneesou waarm halen ewéi en décke Parka. Mir erklären, mat wat fir engen techneschen Tricker bei Material, Passform a Wandschutz dat geléngt.

FNR