© Moast
No laangem hin an hier hu mir en elo nees zeréck zu Lëtzebuerg: den Tram! Hie soll net nëmmen hëllefen de Verkéiersproblem an der Stad an de Grëff ze kréien, ma och eng méi ëmweltfrëndlech Transport-Optioun bidden. Dat heescht awer net, dass den Tram mat Waasserdamp fiert ;)
Den Andrée Mousset, Physiker a fréieren Enseignant, huet den neien Tram ganz genau ënnert d‘Lupp geholl an eng Artikel-Serie (op Franséisch) iwwert de lëtzebuerger Tram geschriwwen.
Comment fonctionne le tram de Luxembourg ? Partie 1
A sengem éischten Artikel verréit den André Mousset Dir ënnert anerem, dass den Tram eben net mat Waasserdamp, ma mat Stroum fiert:
Fir de Stroum kënnen ze notzen, brauch den Tram speziell Motoren, déi d‘elektresch Energie a Beweegung ëmwandelen. Dem neien Tram seng Motore kënnen awer net nëmme Stroum a Beweegung ëmwandelen, ma se kënnen och de Géigendeel, nämlech Beweegung a Stroum ëmwandelen. Si funktionéieren also och als Generator. Wéi genau dat funktionéiert erkläert den André an dësem Artikel:
Dir ass bestëmmt och schonn opgefall, dass den Tram um Kierchbierg vun enger iwwerierdescher Stroum-Leitung begleet gëtt!? Ma ab der rouder Bréck feelt dës Leitung an den Tram fiert ganz fräi bis op d’Stäreplaz. Dëst erméiglechen esou genannte Super-Kondensatoren a Lithium-Batterien. Wéi genau? Dat erkläert den André a folgenden Artikelen:
An de Mr Science erklärt a sengem Pisa-Video wéi den Tram seng Batterien an e puer Sekonnen opluede kann:
Comment fonctionne le tram de Luxembourg ? Partie 2
Vu wou kënnt de Stroum deen den Tram verbraucht? Ënnert anerem des Fro beäntwert den André a sengem zweeten Artikel zum neien Tram:
Och d’Fro dono wéi den Tram am Wanter gehëtzt an am Summer gekillt gëtt, gëtt an dësem Artikel behandelt an a folgendem Artikel am Detail erkläert:
Comment fonctionne le tram de Luxembourg ? Partie 3
Den Tram huet net eng, och net zwou oder dräi, mee 4 verschidden méiglech Aart a Weisen fir ze bremsen. Wéi eng dat sinn - a weider interessant Fakten zu de Sécherheetsmoossnamen op déi den Tram zeréckgräift, gëss Du am 3ten Artikel vun eiser Tram-Serie gewuer:
Mir hoffen dass dës Artikelen derzou bäidroen, ze weisen wéi vill Wëssenschaft an eisem Alldag ass - an den Tram ass heifir e ganz besonnesch spannend an och relativ komplext Beispill! :)
Video: Moast
Konzept: FNR/Moast
