(C) Shotshop

Am Kader vun engem EU Projet (COST/Bi-SLI) huet d'LEARN Equipe vun der Uni Lëtzebuerg zesumme mat 34 anere Länner, e Wuertschatztest entwéckelt, mat deem de mono- a multilinguale Kanner aus der Spillschoul hiert rezeptiivt an expressiivt Wuertwësse kann erfaasst ginn. Am Test gëtt de Kanner e Bild gewisen a si sollen et benennen, oder d’Kanner kréien e Wuert gesot a sollen dann op dat richtegt Bild vu véier méigleche weisen.

E limitéierte Wuertschatz ass dacks ee vun den éischten Indikatore vun enger spezifescher Sproochentwécklungstéierung.

D'LEARN Equipe weess och, datt bei engem multilinguale Kand de Wuertschatz an enger vu senge Sproochen dacks liicht méi kleng ass wéi dee vun engem monolinguale Kand, wat awer ganz normal ass. E méisproochegt Kand muss an all senge Sprooche getest ginn, fir eng genee Iddi vu sengem Wuertwësse kënnen ze kréien. Et feelt awer leider u Sproochentester, déi spezifesch fir méisproocheg Kanner ausgeschafft goufen.

An dësem Projet goung et drëm, genee esou een Test ze entwéckelen.

Déi linguistesch Charakteristike sinn an deene verschiddene Sprooche kontrolléiert, d’Biller goufen a 34 Länner validéiert a bis ewell gëtt et den Test an 21 Sproochen – dorënner och Lëtzebuergesch. D'LEARN Equipe ass elo derbäi, Norme fir Lëtzebuerg ze erhiewen, an hoffen, den Test de Leit um Terrain an noer Zukunft kënnen unzebidden. Weider Informatiounen iwwert dëse Projet fannt Dir op: http://www.bi-sli.org/

Auteur/Kontakt: Pascale Engel de Abreu (University of Luxembourg)
Photo © Shotshop.com

 

Infobox

Wat ass LEARN?

 

 

 

LEARN ass d’Ofkierzung fir Learning Expertise And Research Network, dëst heescht esou vill wéi “Léier Expertise a Fuerschungsnetzwierk”. Et handelt sech ëm e Grupp vu Wëssenschaftler a Praktiker, déi sech fir Léierprozesser a Léierschwieregkeeten intresséieren. D’Zil vun dësem Netzwierk ass en Austausch vu verschiddenen Akteuren (Fuerschung, Schoul, Therapie,Elteren), déi sech mam Léiere befaassen.

Mat engem Newsletter, deen eemol d'Joer erauskënnt, stellt d'LEARN-Equipe Iech nei Fuerschungsresultater aus rezente Projete vir, souwuel aus de Beräicher Mathematik, Zuelen a Raum, der Gesiichtserkennung, de Sproochen an de Sprooch-entwécklungsstéierungen, sou wéi dem Aarbechtsgediechtnes an den Exekutivfunktiounen.

 

Zu den Auteuren

 

Ass.‐Prof. Dr Pascale Engel de Abreu : Fuerscherin/Professeur Associée bei EMACS. D’Pascale intresséiert sech fir d’Entwécklung vun der Sprooch, d’Ursaachen an d’Diagnos vu spezifesche Sproochentwécklungsstéierungen an Dyslexie, an d’Roll vun den Exekutivfunktiounen/ Aarbechtsgediechtnes beim Léieren.

 

Matarbeschter 

 

Ass.‐Prof. Dr Pascale Engel de Abreu: Fuerscherin/Professeur Associée bei EMACS

Dr Danielle Hoffmann: Neuropsychologin/Fuerscherin bei EMACS

Dr Caroline Hornung: Kognitiv Entwécklungspsychikigin/Fuerscherin bei EMACS

Prof. Dr Romain Martin: Professeur op der Uni.lu

Ass.‐Prof. Dr Christine Schiltz: Professeur Associée op der Uni.lu

Dr Anne-Marie Schuller: Neuropsychologin an EEG‐Expertin bei EMACS

Dr Sonja Ugen: Kognitiv Entwécklungspsychologin bei EMACS

 

Waat ass ECCS ?

 

ECCS ass eng Fuerschungsunitéit op der Universitéit vu Lëtzebuerg, an huet keen Service fir eng Prise en Charge vu Léierschwieregkeete kennen unzebidden. Wann Dier am Kader vun enger Léierschwieregkeet no Hëllef sicht, kontaktéiert w.e.g. ee vun de Servicer di um Terrain schaffen an eng Prise en Charge ubidden.

 

Fir weider Informatiounen

Aussi intéréssant

My research in 90 seconds Schreiben in einer Fremdsprache – Schwierigkeit oder Chance?

Ist Mehrsprachigkeit mehr Herausforderung oder kann sie Quelle für Erfolg und Weiterentwicklung sein? Damit befasst sic...

La langue influence les processus mathématiques Le cerveau multilingue calcule différemment selon la langue utilisée

Le cerveau multilingue calcule différemment selon la langue utilisée. Ceci est le résultat d'une étude récente de l'Uni...

Spezifesch Sproochentwécklungsstéierung (SSES) Wat as eng SSES a wat si Problemer bei der Diagnose?

LEARN erklärt eis wat eng spezifesch Sproochentwécklungsstéierung (SSES) as, wéi se diagnostizéiert gëtt a wat d’Ursaac...

Aussi dans cette rubrique

Santé mentale Impact de l'adversité en début de vie sur la santé mentale plus tard dans la vie

De nouvelles connaissances sur les effets à long terme d’une séparation des parents ou d’une adoption sur la santé mentale soulignent qu'il faut offrir un soutien aux enfants concernés.

Projet COVID-Kids La satisfaction de vie et le bien-être des enfants à l’épreuve de la pandémie

Les enfants et adolescents sont durement touchés par les changements liés à la pandémie du coronavirus. Le projet COVID-Kids s’est intéressé aux conséquences de la première vague sur eux.

FNR Awards 2020 Pour des vidéos sur la mise en œuvre de l’éducation plurilingue pour jeunes enfants

Claudine Kirsch et Simone Mortini de l'Université du Luxembourg reçoivent un prix pour une innovation basée sur une recherche exceptionnelle.

psychologische auswirkungen
Etude COVID-19 Quels sont les effets psychologiques du « social distancing » ?

Participez à cette étude et aidez les chercheurs à mieux comprendre l'impact de la crise corona sur la psyché de la population au Luxembourg et dans les pays voisins.