© shotshop.com

Mat eisem Leitungswaasser a mat schuedstofffräiem Wasserkocher onbedenklech

Mr. Science, ech hun héieren, dass ee Waasser net zweemol opkachen duerf, well da méi Schuedstoffer dra sinn?

Vill Internetsäite warnen do virdrun. Et mëscht awer keen Ënnerscheed, ob ech d’Waasser eemol oder e puer mol opkachen. Entscheedend dobäi ass nëmmen d’gesamt Kachdauer. Well ëmsou méi laang ech Waasser kachen, desto méi verdämpt. Wann ech also e Liter Waasser sou laang kachen, bis nëmmen nach sou vill iwwreg ass, wéi ech fir eng Taass Téi brauch, dann hun ech d’Schuedstoffer konzentréiert. Amplaz an engem Liter sinn se elo an 0,2 Liter dran. Hier Konzentratioun ass em de Facteur 5 an d’Luucht gaangen.

Dat mëscht engem Angscht!

Jo, mee déi kanns de mat enger einfacher Fro erëm verléieren: Häss de Angscht, d’Ufanks Quantitéit Waasser ze drénken, also de ganze Liter?

Nee, natierlech net…

Genee, well eis Drénkwaasser, ass an der Reegel immens secher a Schuedstoffer sinn nëmmen a gerénge Konzentratiounen dran. Suerge muss een sech nëmme maachen, wann d’Drénkwaasser staark verknascht ass. Mee da soll een et souwisou léiwer net drénken.

Dat zweet Argument vun der Angschtmaacherei am Internet ass: Duerch déi méi laang Kachzäit géife Schuedstoffer aus dem Dëppen oder Waasserkocher an d’Waasser iwwergoen.

An?

Wëssenschaftler hun dat ënnersicht a festgestallt, dass Edelstol beim Kache keng Schuedstoffer an d’Waasser ofgëtt. Waasserkocher mat bëllege Plastikselementer kënnen awer Schuedstoffer an d’Waasser ofginn. Dofir soll een doran Waasser am beschten iwwerhaapt net opkachen.

D’Angscht virun enger zweete Kéier opkachen ass awer am Prinzip onbegrënnt?

Mat eisem Leitungswaasser a mat schuedstofffräien Dëppen oder Waasserkocher: Jo, op alle Fall!

Auteur: scienceRELATIONS
Editeur: Joseph Rodesch
Iwwersetzer: Sophie Steinmetz
Photo: shotshop.com

Infobox

Mr Science op Eldo Radio

All 2 Wochen beäntwert de Mr Science op Eldo Radio eng Fro. Des Fro gouf an der Sendung vum 25.10.2017 beäntwert. 

Auch interessant

Weihnachtsexperiment Bastele einen Stern mit Zahnstochern!

Mit diesem kleinen Science-Trick könnt ihr die Gäste auf eurem Weihnachtsessen begeistern!

FNR
FNR Awards 2020 Ein Preis für zehn Jahre Forschung über die Wege des (Regen)wassers

Wo wird Regenwasser gesammelt, wie lange bleibt es dort und wann tritt es wo wieder aus? Eine Forschungsgruppe am LIST w...

Wasser-Experiment Baue eine einfache Wasserrakete!

Hier findest Du eine kleine Anleitung um ganz leicht eine Wasserrakete zu bauen.

FNR

Auch in dieser Rubrik

Kompass
Kompass am Kapp Hu Mënschen ee Magnéitsënn?

Vill Déiere kënnen d'Magnéitfeld vun der Äerd wouerhuelen. Awer hu mir Mënschen och en agebaute Magnéitsënn?

FNR
Helium einatmen
Quiitscheg Stëmm Firwat mécht Helium eis Stëmm méi hell?

Firwat klénge mir wéi d'Mickey Maus, wa mir en déiwen Zuch aus engem mat Helium gefëllte Loftballon huelen?

FNR
Erneuerbare Energie
Overshoot Day 100 % erneierbar Energien zu Lëtzebuerg: Wier dat méiglech? A wa jo, wéi séier?

Momentan ginn zu Lëtzebuerg deenen aktuellen Zuelen no 9 % vum Stroum aus erneierbaren Energië produzéiert. Wier et méiglech op 100% erneierbar Energie iwwerzegoen?

FNR