Ech huelen meng Schlësselen an déi lénks Hand da gesäit et am Spigelbild aus wéi wann ech se an der rietser Hand géif halen. Firwat eigentlech?

(c) FNR

De Mister Science test sai Spigelbild

Ech huelen meng Schlësselen an déi lénks Hand. Da gesäit et am Spigel aus, wéi wann ech se an der rietser Hand géif halen. Leeën ech de Schlëssel par konter op mäi Kapp, bleift en och am Spigel um Kapp. Firwat vertauscht de Spigel lénks a riets awer uewen an ënnen net?

De Spigel vertauscht net lénks a riets. D’Schlësselen an der rietser Hand gesäis de och riets am Spigel.

Wéi dann? Ech gesinn dach, datt mäi Spigelbild se an der lénker Hand huet.

Däi Spigelbild huet se an hierer lénker Hand. Vun dir aus gesinn si se ower riets. D’Ausdréck „riets“ a „lénks“ sinn fest un d’Bléckrichtung vun enger Persoun gebonnen, a si keng fest Richtungen am Raum. Wat fir ons virum Spigel „riets“ ass, ass fir onst Spigelbild, wat aus dem Spigel erauskuckt, „lénks“. Dat ass genausou, wéi wann eng Persoun vis-à-vis vun dir steet, an dech ukuckt: Wann si den Aarm op hirer rietser Säit hieft, op watfir enger Säit gesäis du hiren Aarm dann uewen?

Moment! Si hieft hiren rietsen Aarm a kuckt mech. Da gesinn ech hiren Aarm op menger lénker Säit uewen.

Richteg. Wat fir deen een „riets“ ass, ass fir deen aneren „lénks“ wann déi zwee vis-à-vis stinn.

A wéi ass et dann mat „uewen“ an „ënnen“?

Uewen an ënnen si fest Richtungen am Raum, genausou wéi Osten a Westen, Süden an Norden. D‘Schlësselen um Kapp bleiwen uewen am Spigelbild. Genausou wéi d’Schlësselen riets an der Hand och riets am Spigelbild bleiwen.

Aus der Siicht vum Spigelbild sinn se ower lenks.

Jo. Wa mir behaapten, de Spigel géing riets a lénks austauschen, da versetze mir eis a Gedanken an eist Spigelbild. Dohier kennt dee ganzen Duercherneen!

Eieiei! Dat muss ech mer nach eemol roueg duerch de Kapp goe loossen.

Auteur: André Mousset/Joseph Rodesch/Michèle Weber
Photo © FNR

Infobox

Mr Science op Eldoradio

All 2 Wochen beäntwert de Mr Science op Eldoradio är Froen.
Scheck och deng Fro op: mister.science_at_fnr.lu

 

Fuerschung zu Lëtzebuerg

Op der Uni beschäfteg sech d’Unitéit Cognitive Science and Assessment (COSA) ënnert der Leedung vum der Prof. Christine Schiltz matt Prozesser wéi eist d’Gehir Informatioune iwwer eis Ëmwelt veraarbecht.

Auch interessant

Wissenschaft in der Gesellschaft
Hirnforschung So halten wir unser Gehirn gesund

Die moderne Arbeitswelt verlangt vom Gehirn tägliche Höchstleistungen. Eine Kampagne vermittelt Wissen und Tipps für Job...

FNR , University of Luxembourg

Forschung in Luxemburg
Dissertation in drei Minuten Entzündung des Nervensystems: Parkinson-Forschung am Mini-Gehirn

Doktorandin Sònia Sabaté Soler arbeitet am LCSB an der Optimierung von 3D-Modellen des Mittelhirns und ist eine der Gewi...

Luxdoc

Forschung in Luxemburg
Dissertation in drei Minuten Parkinson: mehr als nur eine Bewegungsstörung

Die Doktorandin Laure Pauly erforscht an der Uni Luxemburg das retrograde prozedurale Gedächtnis von Parkinson-Patienten...

Luxdoc

Auch in dieser Rubrik

 Stoffwiessel Firwat ass Kacka brong?

Iwwer dat, wat mir op der Toilette ausscheeden, schwätze mer net oft, obwuel et vill iwwer eis Gesondheet verréit. Firwat ass Stull eigentlech brong? A firwat ass Urin giel?

FNR
Summerzäit Wat sinn d’Vir- an Nodeeler vun der Zäitëmstellung?

Zweemol am Joer stelle mir d’Auer ëm – am Fréijoer an am Hierscht. Vill Leit froen sech: Firwat maache mir dat eigentlech? A bréngt d’Summerzäit wierklech Virdeeler, Mr Science?

FNR
Plackentektonik Wéi gesinn d'Kontinenter an enger Millioun Joer aus?

D'Kontinenter bleiwen net fix op enger Plaz. Se driften – lues, mee konstant. Wéi wäit komme se an enger Millioun Joer? A wou läit dann de Grand-Duché? E Bléck an déi geologesch Zukunft.

FNR