9 Méint vun eisem ganze Liewe verbrénge mer duerchschnëttlech op der Toilette. An dobäi verbrauch ganz Lëtzebuerg pro Joer 1,6 Millioune Kilometer Toilettepabeier!

Kuba Bozanowski (Wikimedia Commons)

Lëtzebuerg verbraucht pro Joer 1,6 Millioune Kilometer Toilettepabeier!

9 Méint vun eisem ganze Liewe verbrénge mer duerchschnëttlech op der Toilette. An dobäi verbrauch ganz Lëtzebuerg pro Joer 1,6 Millioune Kilometer Toilettepabeier .... domat kanns de d’Äerd 40 mol rondrëm den Äquator awéckelen!

Dat ass awer erschreckend vill Pabeier!

Jep! An dat ass tatsächlech e Problem, an zwar fir en erëm lass ze ginn!

Léist Toilettepabeier sech dann net am Waasser op?

Dach, wann e genuch Waasser huet! Mee mir probéieren ökologesch ze sinn, a benotze manner Waasser fir d’Toilette ze spullen. Doduerch verstoppen d’Kanalisatiounen dacks a musse regelméisseg sanéiert ginn! D’Hiersteller benotzen och extra méi kuerz Pabeierfaseren, fir dass se méi séier auserneefalen, wann se am Waasser opweechen. Mee doduerch ass de Pabeier da manner räissfest, an dat wëlle mer jo och net! Dofir ass d’Waasserléislechkeet dann trotzdem limitéiert.

Wéi kann een dee Problem da léisen?

Et wier méi ëmweltfrëndlech wa mer et géife ma wéi a villen asiateschen an arabesche Länner. Do wäschen d’Leit sech no der Toilette einfach mat enger Braus oder engem Bidet! Wa mer dat och esou géife maachen, da géife mer keng 1,6 Millioune Kilometer Toilettepabeier verbrauchen!

Wa mer eis dann tatsächlech rëm géife dru gewinnen, fir e Bidet ze benotzen!

Auteur: Corinne Kroemmer
Foto: Kuba Bozanowski via Wikimedia Commons

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

     
Quellen

Auch interessant

Mr Science
Genetik Kënnen DNA-Tester eis soen, wou mir hierkommen?

Kann ee mat engem DNA-Test erausfannen, wou seng Vireltere gewunnt hunn?

FNR

Wissenschaft in der Gesellschaft
Repräsentative FNR-Umfrage Vertrauen der Bevölkerung in die Wissenschaft weiter gestiegen

Wie bewerten die Luxemburger die Rolle der Wissenschaft in der Covid-Pandemie? Wie hoch ist das Interesse an der Wissens...

FNR

Wissenschaft in der Gesellschaft
Interaktive Konferenz Wie kann man als Bürger seine Umweltbelastung reduzieren?

Am 17. November 2020 findet die nächste interaktive Konferenz „So you think you’re green” statt (online). Diese konzentr...

FNR

Auch in dieser Rubrik

 Konflikter tëschent Generatiounen Gen Z vs. Babyboomer: Wien ass méi faul?

Iwwer d'Gen Z soe munch Leit, se wier méi faul ewéi eeler Generatiounen, z. B. d'Babyboomer. Wat stécht dohannert? Huet d'Wëssenschaft tatsächlech Beleeg dofir? Oder ginn hei nëmme Klischeeë bedéngt?

FNR
Stoffwiessel Firwat ass Kacka brong?

Iwwer dat, wat mir op der Toilette ausscheeden, schwätze mer net oft, obwuel et vill iwwer eis Gesondheet verréit. Firwat ass Stull eigentlech brong? A firwat ass Urin giel?

FNR
Summerzäit Wat sinn d’Vir- an Nodeeler vun der Zäitëmstellung?

Zweemol am Joer stelle mir d’Auer ëm – am Fréijoer an am Hierscht. Vill Leit froen sech: Firwat maache mir dat eigentlech? A bréngt d’Summerzäit wierklech Virdeeler, Mr Science?

FNR