(C) FNR

An Zäite vu Post-Wourecht schénge wëssenschaftlech Fakten net méi vill ze zielen an Theme ginn oft nach just wei Glawensfroen behandelt. De Marc Schiltz erkläert firwat mer wëssenschaftleche Fakten weiderhi Vertraue schenken kënnen.

"Wat ass Wourecht?" huet scho virun 2000 Joer de Pontius Pilatus gefrot.

Am Kontext vum Brexit an der Wahl vum Donald Trump gëtt villfach vun enger Zäit vu "post-Wourecht" geschwat. Dee Begrëff ass zum Wuert vum Joer am Oxford Dictionnaire gekürt ginn. Post-Wourecht oder post-faktesch dat ass eng Astellung wou Fakten an etabléiert Kenntnisser einfach op d’Säit gedréckt ginn.

Wëssenschaftleche Prozess: Weltwäit hannerfroe sech Wëssenschaftler, iwwerpréifen ob Resultater reproduzéierbar sinn, wéi eng Resultater stéchhalteg sinn...fir der Wourecht sou no wéi méiglech ze kommen

Beispill Klimawandel: d’Klimafuerscher weltwäit hunn iwwer déi leschte Joren eng Onmass un Donnée gesammelt an analyséiert. Si hunn hir Analyse mat anere verglach, géigesäiteg kritesch hannerfrot, een huet deem anere seng Analyse versicht ze reproduzéieren.

D’Konklusioune si mëttlerweil eendeiteg: de Klimawandel ass eng Realitéit, an en ass och mat vum Mënsch verursaacht. Méi wéi 97% vun de Klimafuerscher weltwäit stëmmen dëser Konklusioun zou.

Weem schenkt ee méi Vertrauen? Engem op Fakte baséierende Prozess, deen sech ëmmer selwer hannerfreet, oder séngem Glawen?

An dach hu mer elo ee President vun der mächtegster Natioun op der Welt, deen dat einfach niéiert. Et gëtt gemaach wéi wann et just eng Glawensfro wier: Klimawandel, entweder et gleeft en drun oder net. A wann een net dru gleeft, dann huet et och keng Realitéit.

An da kommen nach déi üblech Strategen, fir sech selwer an anerer ze iwwerzeegen: Donnéeën an Analyse gi selektiv gekuckt; Pseudo-Experte ginn aus dem Hutt gezaubert, an alles dat wat engem seng Iwwerzeegung net géif konforméiere gëtt denigréiert.

Mir mussen awer net onbedéngt esou radikal Beispiller ewéi de Klimawandel an den Donald Trump uféieren.

Fuerschungsresultater, déi ëmmer erëm iwwerpréift ginn

Hei bei ons, féiere mer am Moment erëm eng Diskussioun iwwert eent vun onse Liiblingsthemen: d’Plaz vun der Lëtzebuerger Sprooch an der Gesellschaft. Mee och heizou gëtt et mëttlerweil zimlech detailléiert an komplett Donnéeën, déi ënnert anerem vum STATEC erhuewe ginn. An d’Sproochfuerscher op der Uni Lëtzebuerg hunn déi Donnéeë méi genau analyséiert a kommen zu engem méi nuancéierte Resultat, dass Lëtzebuergesch eng ganz vital Sproch ass.

Ëmmer méi Leit léiere Lëtzebuergesch als zweet Sprooch. Et kann also kaum Ried dervu sinn, dass ons Mammesprooch riskéiert, ënnerzegoen.

D’Fuerschung berout grondsätzlech op Fakten, op bewise Resultater. Si entwéckelt sech weider, well ee Fuerscher sech, natierlech mat engem kritesche Bléck, op Resultater vun anere Fuerscher baséiere kann. Des Fuerschungsresultater, déi ëmmer erëm iwwerpréift ginn an iwwert eng länger Zäitspan erreecht goufen, kënnen dozou bäidroen, iwwert d’Fuerschung eraus gesellschaftspolitesch Entscheedungen ze motivéieren an ze ënnermaueren.

Auteur: FNR
Photo: FNR

Infobox

Carte Blanche

Dësen Artikel ass eng Carte Blanche vum Marc Schiltz, Secrétaire général vum Fonds National de la Recherche (FNR), déi de 16. Januar 2017 op RTL Radio Lëtzebuerg gesend gouf. 

Aussi intéréssant

Chercheurs à l’école 2021 Fuerscher*inne ginn zréck an d'Schoul!

Bei der Aktioun "Chercheurs à l’école", déi vum 15. bis den 19. Mäerz 2021 stattfënnt, léiere Lycéesklasse Fuerscher*inn...

FNR
Santé Quel est l’effet de la séparation des parents sur le poids de l’enfant ?

Des chercheurs du Luxembourg et de Londres ont observé que l’indice de masse corporelle (IMC) des enfants de parents sép...

Coopération transatlantique Délégation scientifique du Luxembourg en visite au Québec

Afin de faire progresser la science dans les deux pays, les instituts de recherche du Canada et du Luxembourg souhaitent...

Aussi dans cette rubrique

Nouveautés en science L’essentiel de l’actualité de la recherche au Luxembourg- août 2021

Qui est derrière la crise du logement au Luxembourg ? Découvrez cela dans notre tour d’actualités des résultats de la recherche au Luxembourg.

Collage of images
Nouveautés en science L’essentiel de l’actualité de la recherche au Luxembourg – juillet 2021

Quelles sont les dernières avancées scientifiques des chercheurs au Luxembourg ? L’équipe de science.lu vous propose un tour d’horizon (non exhaustif) sur sa sélection du mois de juillet 2021.

Carte blanche Vertrauen an d’Wëssenschaft a Pandemie-Zäiten  

D'Lëtzebuerger Bevëlkerung schenkt der Wëssenschaft grousst Vertrauen. Wat kann d'Wëssenschaft maachen, fir dat ze behalen? Wat fir een Engagement kann d'Wëssenschaft der Gesellschaft offréieren?

FNR
contact tracing
Traçage des contacts des malades et applications de suivi des contacts Comment les données peuvent contribuer à endiguer la pandémie de Covid-19 et ce que cela signifie pour la protection des données

Suivi, traçage, don de données – les méthodes de collecte des données pour enrayer la pandémie de Covid-19 sont aussi diverses que les objectifs qu'elles poursuivent. Une vérification des faits.

FNR